Yakalotik ta yilel bin ut’il ya yich’ ach’utesel mantalil ta swenta uts’intayel ta jlumaltik Chiapas: Elizabeth Escobedo Morales

Tuxtla Gutiérrez, Chiapas ta xchanebal k’aal yuilal diciembre 2023. Ta sk’alelal tsoblej yu’un Consejo Consultivo sok te mach’atik ay ya’telik ta Procuración yu’un Justicia, te ay ya’telik ta st’unel sok sleel mil antsetik ta jlumaltik Chiapas; te ay ta swenta te diputada #ElizabethEscobedoMorales, la yak’ ta na’el te bin ut’il yakal bael ta yach’utesel mantalil ta swenta st’unel sok sleel mil antsetik ta jlumaltik Chiapas.

Ta sk’alelal tsoblej, tey a julik ta lok’el te mach’atik ik’biliktal sok nix la xchajpanik tsoblej ta najtil xch’ajan tak’in, jich yu’un te diputadaetik la yak’ik ta na’el te bin yakalik ta a’tel ta swenta skoltayel sok yich’el ta muk’ antsetik.

Ja’nix jich te yametik #AlejandraRoveloCruz, wolwanej ta Comisión Ejecutiva Estatal ta swenta slajesel uts’inel ta stojol antsetik, la yak’ ta na’el bin ut’il yakal bael a’teliletik sok bin ut’il yakal ta ach’utesel mantalil ta stojol antsetik ta jlumaltik Chiapas.

Ta sk’alelal tsoblej, te ayik a te diputadaetik Cecilia Lopez Sanchez sok Karina del Río Zenteno, chajpal xchap answiniketik, wolwanejetik ta stojol answiniketik; Rovelo Cruz la yal te bayel sk’oplal te yakuk yich’ ach’utesel mantaliletik ta jlumaltik, jich bit’il ya’yel stojol sk’op answiniketik, yakuk koltay jbatik, pajaluknax jk’olaltik, ayuk lekil xchajpanel, slajesel sk’oplal uts’inel ta jtojoltik, ayokotik ta ich’el ta muk’, son yantik xan a.

Ja’nix jich, te diputada Escobedo Morales la yak’ ta na’el te bitik ayejetik la snakanik ta jun te k’alal la stsob sbaik wojecha’jetal, jich yu’un tey la schol te bitik yakal ta spasel, jich bit’il: Mantalil te banti pajaluknax jk’oplaltik sok manchuk ayuk ta uts’intayel antsetik, mantalil swenta j-atejtu’uneletik, slekutesel sok yach’utesel mantaliletik ta jlumaltik Chiapas, skanantayel kuxlejal sok yich’el ta muk’ antsetik.

Tey nix la yak’ik ta na’el te bitik yakalik ta spasel te mach’atik ay ya’telik ta yilel sok skanantayel antsetik ta jlumaltik Chiapas, te manchuk ya xlajik ta uts’intayel, pajaluknax jk’oplaltik, ayuk ta leel sok ta t’unel te mach’atik ya smil antsetik ta jlumaltik, sok yantik xan a. Te lekil a’teliletik te yakal ta spasel te j-atejpatanetik ta Sexagésima Octava Legislatura ta jlumaltik Chiapas, swenta slekutesel jkuxlejaltik, slajesel sk’oplal uts’intayel ta stojol antsetik, slekutesel sok skanantayel xkuxlejal antsetik, ach’ixetik, keremetik sok olil xch’iel answiniketik.